خـواطر عتاب.....,

بسم الله الرحمن الرحيم
--------------------------------------------------------------------------------


لاتـنـصـدم لاقـلـت انـا اليوم مابيك
الـقـلـب عافك وانتهى اليوم دورك
اعميتني بحبك عسى الله يعميك
ورمـيـتـنـي يـازيـن باعمق بحورك
يــالله تـوكـل لاتـجـيـنـي ولاجـيـك
يـالله حـبـيـبـي قـوم رتـب امــورك


..........................................


بعد الخيانه انتهت رغبتي فيك
وان كنت تذكرنا ترانا نـسـيـاك
يشهد علي الله لاحل طـاريك
يروق قلبي لكن أذكر سواياك


..........................................


لا صار وقتك هنا ومتوسع(ن) صدرك
أشوف عني تصد ما تلتفت فيني


ولا صار وقتك ملل وضايق(ن) خلقك
تنسى جميع البشر وتتصل فيني


.........................................


أضحك وكني رايق البال خالي..
والناس تحسدني وأنا أموووت بسكاات..
أقضي نهاري بالمزح والتسالي..
وأسهر ليلي في هموم ومعانات..
غريبة هالدنيا على كل حالي..
الحزن دايم والفرح بس لحظات


....................................


إذا طبعك كذا ما أبيك..
بترضى وإلا مايرضيك..
نصيحة لاتزودها،،ترى أسويها،،وأخليك!!
أنا كلي أجي لاجيت..
( وأبيع الدنيا لي حبيت )
ولكن تدري وش عيبي؟؟
إذا صديت أنا،،صديت..


.......................................


طبعك تغير ومالقينا له أسباب
ولاني مقصر فيك ولاني بحافي
كنك على فرقاي تفتح لي باب
اقسى علي وماجرى منك كافي


.........................................


ان كان غيري في غيابك يسليك
خـلـك مـعـه ولا تتركه الله يخليك
سـهـل إنـك تـنـساني لكن صعب
إنـك تمـحـيـنـي مـن قـلبك وبالك
لانـي ويـاك مـثـل الـقـلــب وروح
مـالـهـم غـنى عن بعض اذا مات
الـقـلـب تـمـوت مـعـاه الـــــروح


...................................


مابيني وبينك مـشاريـه وعـتـاب
شف دربك اللي جيـت منه تدله
مـاراح تـغـلـبـنـي لو الحب غلاب
من حـضـرتك عشان قلبي تذله
كـنـت الـقـريب وكـلـهـم أغـراب
حتى القمر لاغاب شفتك محله
رح واعتبرنـي واحـد أذنب وتاب
مـانـي بثوب تلبسه ثـم تـمـلـه


..........................................


جرحتني جرح مو مثل
الجروح يجوز يشفى
الجرح بس الأثر مايروووح...


.......................................


وش أسـوي دام قــلـبـك مايبيني
دايـمـن يـهـوا فـراقـي والــزعــل
بـبـتـعـد لـجـلـك أنـا يـا نـور عـيني
وبـالـمـهـل بـبـعـد حـبيبي بالمهل
أسـفـن ان قـل فـي حبك حنيني
والـجـراح الـلـي بـقـلـبـك تـنـذبـل
لك وعـد مني أبد متشوف شيني
ألا انا واحد عشق شخص وفشل


................................................


ليتهم بعد موتي في بيتكم يدفنوني..
وتبكي على قبري بالنهار وكل ماحل السكوني..
وتقول هذا اللي أمس كان مجنوني..
ردوه بس ثواني بين شجوني..
وبيقولون الميت راح ومايقول الا ارحموني


................................................


أكيد أنا بنساك يوم من الأيام
بس متى؟؟؟
يوم البشر عند القبر يدفنوني


.........................................


اجرح مدام الجرح فيني يسليك
اجرح عساك أنت السبب في
"وفاتي "


.......................................


ماحيد عمري يوم قصرت
ولا حيد عمري كنت قاسي
ولا حيد في طبعي تغيرت
ولا كنت اسعى للخلافي
منك الجفى لالا ماتوقعت
في ظنتي إنك مرادي


....................................


أبشرك جرحك ثمن غلطتي فيك
ولا أنت ما تجبر على حبك إنسان
اليوم لا بشكي ولا بندم عليك
فعلك مضارع بس حبك خبر كان
عن قسوتك ما عملت قسوه ايديك
صحيح كل اللي يحبون عميان


..............................................


إذا هان عليك ايام من غير سماع صوتي
بيهون عليك الحال لين تسمع خبر موتي


.......................................


قصدك اني اتنازل لك
وأجيك وانحني من عقب
ما قلت الوداع مثل ما انته ماتبيني
ما أبيك المحبه مابها غش وخداع


.............................................


لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك


.....................................


وفر كلامك وورني عرض الاكتاف
قلبي كره هجرك ولاهو بمجبرو
ترى القلوب بطبعها شي شفاف
الكسر فيها صعب تلقلا له جبور
ولاتحسب اني من الهجر بخاف
ياشيخ خذ حبك وقلبك ومشكور..!!


.............................................


غيبتي طالت ولا همك جفاي
وكنت عايش في امل تسال علي
من غلاك احسبك عايش معاي
وانت ماهمك ولو طال زعلي
انت مالك ذنب هذا من غباي
نااااااسي..واحسبك تتغلى غبي..!!


..........................................




عزاه صرنا نلتقي مثل الأغراب..
عقب الغلا كلن بوجه يصدي..
من عقب ماحنا عزيزين وأصحاب..
اليوم كلن صد قصده تحدي..
لكن يطول الوقت وتعرف الأسباب..
تندم على وقتن مضى كنت ضدي..!!


..........................................


تحسب انه بغيابك بذكرك فى كل حزه ..
وأتندم..وأترجى..وأعتذر..وأبوس راسك..
للأسف كنت زقاره تنتهى فى كم مزه ..
وانتهيت وماطفيتك واحرقك غيرى وداسك..!!


..........................................


لحظه حبيبي وقف هناك بالدور..
مانيب فاضي يمكن افضي لك اشوي!!
لازم تذوق المر وتعيش مكسور..
واكويك من جمر الهوى لاغدى حي..
ولو بعتلي عمرك فلا قلت مشكور..
لانك بعيني صرت كلك ((ولاااا شي))!!


..........................................


هذي هي الدنيا متاهات وأحزان
كلن يــــــدور راحته ما لقاهـــا
تبي لها صبر مع شوي نسيــــان
مع ضحكة تخفي دموعك وراهـا..!!


..........................................


أتخيلك جنبي وأنا أهتف بمسمعك
أقول أحبك خلك اليوم شاهد
يقطع زمان الحب كله ويقطعك
من كثر ما أحبك تحولت حاقد


..........................................


ليت الوداع يموت لا جيت أودعك
ولا نموت أثنين في وقت واحد..!!


..........................................


بسيطة كل الم جسمــي تحملته وانا اضحك لك
لكن الخوف يا يمـــه من احســاسٍ سكن فيني
يا حيـف الطـيب بالدنيا يضيع وينتهي عمــره
يمـــوت الطيب يا يمـــه وانا فـــقري يبكـيني


..........................................


خلنا نفترق
ولا تنسج لي أعذار
ولا أرسم لك أسباب
نقول نصيب
ونكتفي
و ياما
فرق هالنصيب أحباب


..........................................


تبغاني ابتعد عنك
وأجفاك وأنساك
عطني مثل قلبك وأسوي سواتك


..........................................


أشكرك
قلبك كبير
مرهف احساسك كثير
اشكرك من كل قلبي
بعتني والله بضمير


..........................................


أضحــــــك
مردك بيوم تواجه الدمعه
إما على جيتي،،
ولا على فراقي..


..........................................


أنا عمري بقايا شمع
أحرقني الأسى والدمع
إذا مافيك ترحمني
أحرق مابقى مني..


..........................................



كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...


..........................................


علامك مهملني؟؟
وفي رفّـك أنا تذكار..
إذا كان الهدف بعدي..
أنا حاضر وممنونك...


..........................................


خلقت لي شموخ وهامة
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامة
اشوف زلات البشر وارفع الراس
واليوم كلن خصني بإحترامه
واللي معاديني بالأقدام ينداس


..........................................


تحسبني ميت عليك؟
صدقني تراك غلطان..
أحبك أنا قلتها صحيح!
بس ترا وش كثرها بها الزمان..
هي كلمه مثل غيرها عند الناس صارت دايم تنقال..
إي نعم مني سمعتها!
بس تراني ما اعتبرها إلا زلة
لســـــان!!!


..........................................



سمعت نغمة رسالة قلت يالله عسى خير
وأنا ثلاث أيام محدن ذكرني
فتحتها بلهفة من الفرح باطير
وأقول يالله من اللي أفتكرني
أثرها من الجوال يرسل فواتير
هو الوحيد اللي أبد ماهجرني


..........................................


توقعت ان بفراقك تقوم الدنيا وتقعـد واثـاري الفرقـى عاديـه ولا حسيـت بفراقـك


..........................................


خذني بحضنك ابغفى مبطي آآآه ماغفيت
وان لمحت دموع عيني سو نفسك مالمحت
خذني بحضنك وفتش في جروحي وان قضيت
هزلي كتفك وقلي : عيب تبكي لو سمحت
ضمني يمك وضحكني اليا مني بكيت
ودي اذكر كيف كانت ضحكي لامن بكت


..........................................


يفز دمعي واقهره داخل العين........!!
أخاف عذالي يقولوا هزيمه........!!
لا والذي ألف قلوب المحبين.........!!
ما حدرت دمعات عيني ظليمه..!!
بكيت من الوفا والوفا دين..!!
لجل الصديق وذكرياتن قديمه..!!


..........................................


أبشرك ماعاد يوجعني فراق,وأقسى وجع فيني يزول بثواني..
عودت قلبي إذا حمل هم أو ضاق أرمي وما أسأل عن اللي رماني..
عودت نفسي للمتاهات ما أنساق..ولا يسيل دمع عيني وأعاني..
خل الحياة أتروح والعمر أرزاق لابد يوم يضحك لي زماني..


..........................................


ماعدت أحن لشوفتك وأشتاقك
لو كنت تسوى بالوجود أعياني
جيتك أبشربالهجر خفاقك
ممكن خفوقك منيتة هجراني
أنا بحقق رغبتك بفراقك
كرامتي عن عشرتك تنهاني
البارحة أحرقت كل أوراقك
ومحيت نجمك من سماوجداني


..........................................


أبشرك إني بخيــــــــــــــر
قلبي من أوجاعه شفـــــا
والوضع عندي صار غير
والجفن بالنوم احتفــــــــا
مشكور يا ذاك العشيــــر
أقولها وقلبي عفـــــــــــا
يجزاك ربي كل خيـــــــر
والسعد لك حضن ودفـــا


..........................................


صدق الشجر واقف يموت بلا مطر
وصدق القدر ماله مرد ولا فرار
وصدق الصبر يضيع مني وذا فقر
ومن ماصبر
يشقى
والشقى
يذوقه المرار


..........................................


قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالاحساس حلت
وقل للخفوق اللي عجز عنه الأطباب
ترى المشاعر من عنا البعد "ملت"


..........................................


شفت منهو تحبه صد من دونك
إقرا علية الفاتحة وريح أعصابك
قلة ترى الشمس ماوقفت على كونك
يجيب غيرك أكيد الوقت اللي جابك
حرام لا صد تسهر لجله عيونك
لا عاش منهو لجور الوقت ضحى بك


..........................................


ماهقيت الليله اللى جابت الفرقا
طويله..!
لين صارت ليله امس بعينى اطول من
شهرها..!
والعذاب اللى يذوب بعين من يفقد
خليله..!
عندى اكبر من عذاب العين لو تفقد
بصرها..!